Valyutalar bahalaşdı, dollar 1 manat 77 qəpiyi keçdi
Azərbaycan Mərkəzi Bankı dekabrın 30-da Argentina pesosu, İran rialı, Qazaxıstan təngəsi istisna olmaqla bütün valyutaları bahalaşdırıb. Novator.az-ın məlumatına görə, ABŞ dollarının rəsmi kursu 1,7662 manatdan 1,7707 manata qalxıb. Bu, 2016-cı ilin ən yüksək göstəricisidir.
Avronun məzənnəsi 1,8644 manat, Rusiya rublunun kursu 0,0293 manat müəyyən edilib. Digər valyutalara belə qiymət qoyulub:
1 Argentina pesosu – 0,1113 manat
1 gürcü larisi – 0,6663 manat
1 ingilis funt sterlinqi – 2,1745 manat
100 İran rialı – 0,0045 manat
1 Qazaxıstan təngəsi – 0,0053 manat
1 türk lirəsi – 0,5023 manat.
2015-ci ilin yanvar ayında dolların orta məzənnəsi 0,7844 manat idi. Mərkəzi Bankın 21 fevral 2015-ci il qərarı ilə dolların rəsmi məzənnəsi 1 manat 5 qəpik müəyyən edilib. 21 dekabr 2015-ci ildən isə məzənnə 1 manat 55 qəpiyə yüksəlib. 2016-cı ilin noyabr ayında orta məzənnə 1,69 manat olub.
