Prezident İlham Əliyev 2017-ci ilin dövlət büdcəsini imzalayıb. Novator.az-ın məlumatına görə, büdcənin gəlirləri 16 milyard 255 milyon manat, xərcləri 16 milyard 900 milyon manat təsdiqlənib (Qanun).

Gəlirlərin 6,1 milyard manatı Dövlət Neft Fondundan transfert hesabına olacaq. Vergi və rüsumlardan dövlət büdcəsinə 9,7 milyard manat daxilolma proqnozlaşdırılır.

Gələn il müdafiə sahəsinə 2,6 milyard manat, sosial müdafiə və sosial təminata 2,2 milyard manat, təhsilə 1,7 milyard manat, səhiyyəyə 745,3 milyon manat, kənd təsərrüfatına 479,1 milyon manat, mədəniyyət, incəsənət, informasiya, bədən tərbiyəsi – 282,5 milyon manat, elmə 118,5 milyon manat xərclənəcək.

Dövlət başçısı büdcənin tətbiqini təmin etmək üçün fərman da imzalayıb. Fərmanda büdcə xərclərinin detalları yer alır (Fərman).