Kütləvi ölüm: 16 nəfərə ittiham verilib, 6 nəfər gözləyir
Rusiyanın İrkutsk vilayətində yemişan suyundan kütləvi zəhərlənmə işi üzrə 16 nəfərə ittiham irəli sürülüb. Novator.az-ın məlumatına görə, Rusiya İstintaq Komitəsi dekabrın 28-də belə açıqlama yayıb. Cinayət məsuliyyətinə alınan şəxslər məhsul istehsalı, saxlanması və satışında təhlükəsizlik qaydalarını pozmaqda ittiham olunurlar. İstintaq yaxın günlərdə daha 6 nəfərə ittiham irəli sürməyə hazırlaşır.
İrkutskda kütləvi zəhərlənmə dekabrın 17-də baş verib. Zəhərlənməyə metil spirti tərkibli yemişan suyu səbəb olub. 77 nəfər ölüb.
Dekabrın 26-da Rusiyada tərkibində spirtin həcmi 25 faizdən çox olan qeyri-içki məhsullarının pərakəndə satışına 30 günlük qadağa qüvvəyə minib.
