İlin idman yekunları
2016-cı ildə Azərbaycan idmançıları beynəlxalq turnirlərdə (dünya, Avropa çempionatları, kubok yarışlarında) 837 medal qazanıb. Bu medalların 297-si qızıl, 250-si gümüş, 290-nı bürüncdür. Gənclər və idman naziri Azad Rəhimov dekabrın 27-də jurnalistlərə belə deyib.
Azad Rəhimov qeyd edib ki, 2016-cı ildə yerli federasiyalarla birlikdə Azərbaycanda 200-dən çox yarış təşkil olunub, ölkə 52 beynəlxalq turnirə ev sahibliyi edib. Ölkənin yığma komandaları isə 198 beynəlxalq yarışa qatılıb.
XXXI Rio-de-Janeyro Yay Olimpiya Oyunlarında 17 idman növündə 56 Azərbaycan idmançısı mübarizə aparıb. Olimpiadada 18 medal əldə olunub (1 qızıl, 7 gümüş, 10 bürünc).
