Dekabrın 25-i Makedoniyada parlament seçkisinə yekun vurulub. Novator.az-ın məlumatına görə, cəmi bir kənddə keçirilmiş təkrar seçkidə müxalif Sosial Demokrat İttifaqı qalib gəlsə də, bu, mandat bölgüsünə təsir etməyib. 714 seçicisi olan kənddə təkrar seçki sosial demokratların şikayəti əsasında keçirilib. Amma onlar mandat bölgüsünün dəyişməsi üçün gərəkli 304 səsi toplaya bilməyiblər.

Dekabrın 11-də keçirilmiş növbədənkənar parlament seçkisində milli mühafizəkarları birləşdirən hakim Demokrat Partiyası 123 yerlik parlamentə 51, Sosial Demokrat İttifaqı 49 mandat qazanıb. Qalan mandatlar alban partiyalarına qismət olub.

Makedoniyada parlament proporsional üsulla seçilir, seçki baryeri tətbiq olunmur.