2016-cı ilin yanvar-oktyabr aylarında Avropa-Qafqaz-Asiya nəqliyyat dəhlizinin Azərbaycan hissəsində yüklərin 62,8 faizi avtomobil nəqliyyatı, 27,7 faizi dəmir yolu nəqliyyatı, 9,5 faizi dəniz nəqliyyatı ilə daşınıb. Novator.az-ın məlumatına görə, Dövlət Statistika Komitəsi belə hesabat yayıb.
Hesabatda qeyd olunur ki, 2015-ci ilin müvafiq dövrü ilə müqayisədə dəhlizdən daşınmış yüklərin həcmində 4,9 faiz azalma var. Dəmir yolu və dəniz nəqliyyatı ilə yük daşınması müvafiq olaraq 11,9 faiz və 24,7 faiz azalıb, avtomobil nəqliyyatı ilə daşınmış yüklərin həcmi isə 2,7 faiz artıb. Dəhliz vasitəsilə daşınmış yüklərin 14,9 faizini tranzit yüklər təşkil edib.
2016-cı ilin 10 ayında dəhliz vasitəsilə 280,7 milyon sərnişin daşınıb. Ötən ilin müvafiq dövrü ilə müqayisədə daşınmış sərnişinlərin sayı 2,2 faiz, sərnişin dövriyyəsi isə 1,6 faiz artıb.
