Xoruz ilinin yubilyarları
Xoruz ilinin bəzi məşhurları eyni il olan 2017-də 60 illik yubileylərini qeyd edəcək. Novator.az bildirir ki, xoruz ilində – 1957-ci ildə doğulmuş məşhur şəxslərdən bir çoxu qələm əhlidir: yazıçılar Afaq Məsud, Babək Göyüş, Əlabbas, Mehriban Vəzir, şair Rüstəm Behrudi, jurnalistlər Elçin Şıxlı, Mehman Əliyev, Əflatun Amaşov, Eldar Sabiroğlu.
Jurnalist, ictimai xadim İlham İsmayıl da 1957-ci ildə anadan olub, 2017-ci ildə 60 yaşını qeyd edəcək.
İctimai xadim Akif Nağı, filoloq, siyasətçi Vurğun Əyyub da 1957-ci ildə doğulublar.
2017-ci il xanəndələr Alim Qasımov, Şahnaz Haşımova, müğənni İlqar Muradov, aktyor, rejissor Bəxtiyar Xanızadə, aktrisa Səidə Quliyeva, kinoşünas Həmidə Ömərovanın 60 illik yubileyidir.
Milli Məclisin deputatları Aydın Mirzəzadə, Musa Qasımlı, Dövlət Gömrük Komitəsinin sədri Aydın Əliyev, keçmiş maliyyə naziri Fikrət Yusifov, sabiq iqtisadi inkişaf naziri Heydər Babayev, Prezident Administrasiyası rəhbərinin müavini Zeynal Nağdəliyev, Səbail Rayon İcra Hakimiyyətinin başçısı Eldar Əzizov xoruz ili olan 1957-ci ildə doğulublar.
Xoruz ilində doğulmuş Milli Məclisin keçmiş sədri İsa Qəmbər, sabiq baş nazir Pənah Hüseyn də 2017-də 60 yaşı tamamlayacaqlar.
Bir çox məşhur xarici – Türkmənistan prezidenti Qurbanqulu Berdiməhəmmədov, Özbəkistan prezidenti Şövkət Mirziyayev, Tatarıstan prezidenti Rüstəm Minnixanov da 1957-ci ildə dünyaya gəliblər.
