Terror qurbanlarının sayı artır
PKK terror təşkilatına yaxın qruplardan olan Kürdüstan Azadlıq Qırğılarının dekabrın 10-u İstanbulda törətdiyi terrorda ölənlərin sayı 44-ə çatıb. Onların 36-sı polis, 8-i mülki şəxsdir.
“Vodafone Arena” stadionu yaxınlığında baş verən bu terror hücumunda futbol matçının təhlükəsizliyinə cəlb olunmuş çevik polis qüvvələri hədəfə alınıb. İki partlayışda yaralanan 115 nəfərin 14-ü reanimasiyadadır.
2016-cı ildə Türkiyədə onlarla terror aktı törədilib. Novator.az bildirir ki, hadisələrin bir çoxu paytaxt Ankaranın və ölkənin ən böyük şəhəri İstanbulun payına düşüb.
Yanvarın 12-si İstanbulda törədilmiş terrorda 10 nəfər həlak olub.
Fevralın 17-si Ankarada 29 nəfər həyatını itirib.
Martın 13-ü Ankarada 37 nəfər terrora qurban gedib.
Martın 19-u İstanbulda 5 nəfər həlak olub.
İyunun 7-si İstanbulda 11 nəfər ölüb.
İyunun 28-i İstanbulda törədilmiş terrorda 43 nəfər həlak olub.
