Dəstə “Portu” və “Sevilya” ilə tamamlandı
UEFA Çempionlar Liqasının qrup raundu başa çatıb. G qrupunda yarışan “Portu” (Portuqaliya) dekabrın 7-si evdə “Lester”i (İngiltərə) 5:0 hesabı ilə udaraq növbəti mərhələyə keçmək hüququ əldə edib. H qrupunda “Lion”un (Fransa) qonağı olan “Sevilya” (İspaniya) isə 1/8 finala qolsuz heç-heçə sayəsində adlayıb.
Novator.az bildirir ki, gələn ilin fevral və mart aylarında keçiriləcək 1/8 final mərhələsinə Almaniyanın “Bavariya”, “Borussiya” (Dortmund), “Bayer”, İspaniyanın “Atletiko”, “Real”, “Barselona”, İngiltərənin “Arsenal”, “Lester”, “Mançester Siti”, Fransanın PSJ, “Monako”, İtaliyanın “Yuventus”, “Napoli”, Portuqaliyanın “Benfika” komandaları da vəsiqə alıblar.
