Qazaxıstanda 28 min nəfər amnistiyaya düşür
Dekabrın 7-də Qazaxıstan parlamentinin aşağı palatası ölkənin müstəqilliyinin 25 illiyi münasibətilə veriləcək amnistiyanın layihəsini təsdiqləyib.
Novator.az-ın məlumatına görə, amnistiya aktının ümumilikdə 28 min nəfərə şamil olunacağı, ağır cinayət törətməyən 1500 məhbusun 20 faizinin tam azadlığa buraxılması, 80 faizinin cəzasının yüngül cəzaya dəyişdirilməsi planlaşdırılır.
Azadlığın məhdudlaşdırılması, islah işləri və cərimə cəzaları almış 11 min nəfərə amnistiya tətbiq olunacaq.
Ağır və xüsusilə ağır cinayət törətmiş şəxslərin cəzasının maksimum yarıya qədər azaldılacağı bildirilir.
İstintaq altında olan bir qrup şəxsə də amnistiya tətbiqi nəzərdə tutulur.
