İqtisadi Əməkdaşlıq və İnkişaf Təşkilatı orta təhsilin keyfiyyətinin qiymətləndirilməsi üzrə araşdırmaların nəticələrini açıqlayıb. PİSA adlanan proqram üzrə riyaziyyat, təbiət fənləri və oxu üzrə bilikləri yoxlanıb. “Azadlıq” radiosu xəbər verir ki, İqtisadi Əməkdaşlıq və İnkişaf Təşkilatı 73 ölkədən 540 min şagirdi imtahana çəkib. Nəticələr 15 yaşlı yeniyetmələr arasında ən savadlıların Sinqapurdan olduğunu göstərib (Reytinq).

2009-cu ilin nəticələrində Azərbaycanın 15 yaşlı şagirdləri 65 ölkəni əhatə edən qiymətləndirmədə 64-cü yerdə qərarlaşmışdı. O zaman Təhsil Nazirliyi nəticəni obyektiv saymadığı üçün Azərbaycan bir daha qiymətləndirməyə qatılmayıb.