Hüquq mədəniyyəti: Gəncədə təlim keçirilib
“Dan” Beynəlmiləlçi Gənclər İctimai Birliyinin təşşəbbüsü ilə noyabrın 25-də Gəncə şəhərində “Hüquq mədəniyyəti” adlı təlim keçirilib.
“Mədəniyyət, sivilizasiya və dövlət haqqında anlayış”, “Hüquqi dövlətin idarə olunmasında hüquqi və etik mədəniyyətin rolu”, “Liderlik mədəniyyəti” mövzularını əhatə edən təlimi beynəlxalq hüquq və insan hüquqları ixtisası üzrə fəlsəfə elmləri üzrə hüquq doktoru, hüquqşünas Xaqani Məmmədov aparıb.
55 nəfərin iştirak etdiyi təlim beynəlxalq standartlara cavab verən müasir sistemli kulturoloji yanaşma əsasında qurulub.
Sonda iştirakçılara şəhadətnamələr verilib.
“Dan” Beynəlmiləlçi Gənclər İctimai Birliyi bu təlimi “Hüquqi dövlətin inkişafında hüquq mədəniyyətinin rolu mövzusunda tədbirlərin təşkili” layihəsi çərçivəsində reallaşdırıb. Sözügedən layihə Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə icra olunur.
Layihənin əsas məqsədi vətəndaşlara qayda-qanunlara əməl etmək vərdişi aşılamaq, insanların qanunazidd əməllərdən uzaq olmasına təsir etmək, eləcə də hüquqlarını bilən və onlara əməl edən vətəndaşlar yetişdirməkdir.
