Dekabrın 5-də Rusiya hökuməti ölkədə yaşayış minimumunun yeni həddini təyin edib. Novator.az-ın məlumatına görə, yaşayış minimumu adambaşına 9889 rubl (267 manat) müəyyən olunub.
Əmək qabiliyyətli əhali üçün yeni yaşayış minimumu 10678 rubl, pensiyaçılar üçün 8136 rubl, uşaqlar üçün 9668 rubldur.
Əvvəlki yaşayış minimumu 9956 rubl idi. Əmək qabiliyyətli əhali üçün yaşayış minimumu 10722 rubl, pensiyaçılar üçün 8163 rubl, uşaqlar üçün 9861 rubl təyin edilmişdi.
Azərbaycanda 2017-ci il yanvarın 1-dən yaşayış minimumunu ölkə üzrə 155 manat, əmək qabiliyyətli əhali üçün 164,5 manat, pensiyaçılar üçün 130,2 manat, uşaqlar üçün 136,6 manat müəyyən etmək nəzərdə tutulur.
