Regional Data və Beynəlxalq Kommutasiya mərkəzləri açılıb
Dekabrın 5-i Bakıda Rabitə və Yüksək Texnologiyalar Nazirliyinin Regional Data və Beynəlxalq Kommutasiya mərkəzlərinin açılışı olub. AZƏRTAC-ın məlumatına görə, prezident İlham Əliyev açılış mərasimində iştirak edib.
Rabitə və yüksək texnologiyalar naziri Ramin Quluzadə dövlət başçısına məlumat verib ki, Regional Data Mərkəzinin və İP əsaslı Beynəlxalq Kommutasiya Mərkəzinin operatoru 2015-ci ilin iyun ayında yenidən strukturlaşdırılaraq adı dəyişdirilən “AzİnTelecom” Məhdud Məsuliyyətli Cəmiyyətidir.
