Rusiya İslam Komitəsinin sədri, ilahiyyatçı, filosof, politoloq Heydər Camal vəfat edib.

Rusiya İslam Komitəsi regionlararası ictimai hərəkatdır.

Heydər Camal bütövlükdə keçmiş SSRİ məkanının nüfuzlu analitiklərindən hesab olunur. O, “Peyğəmbərlərin inqilabı”, “İslamın xilası”, “Fuzey”lər və “qaramultuq”lar”, “Davud Caluta qarşı”, “XX əsrdə islam intellektual təşəbbüsü”, “Zülqərneyn divarı” kitablarının müəllifidir.

Heydər Cahid oğlu Camal əslən azərbaycanlı, şuşalıdır. O, 1947-ci il iyunun 6-da Moskva şəhərində anadan olub. Orxan və Kövsər adlı iki övladı var.

69 yaşlı Heydər Camal noyabrın 5-nə keçən gecə Qazaxıstanın Almatı şəhərində dünyasını dəyişib.

Allah rəhmət eləsin!