Problemli kreditlərin həcmi açıqlanıb
Dekabrın 2-də Mərkəzi Bank kredit təşkilatlarının müddətlər üzrə kredit qoyuluşları barədə hesabat yayıb. Novator.az-ın məlumatına görə, hesabatda qeyd olunur ki, 2016-cı il noyabrın 1-nə problemli kreditlərin həcmi 1 milyard 375,6 milyon manat olub. Bunun 743,3 milyon manatı xarici valyutada olan kreditlərdir.
Vaxtı keçmiş kreditlərin məbləği oktyabrın 1-də 1 milyard 597,3 milyon manat idi. Bir ayda 221,7 milyon manat azalma qeydə alınıb.
Bu ilin əvvəlində problemli kreditlərin həcmi 1 milyard 508,5 milyon manat olub.
