İqtisadiyyat Nazirliyinin Sahibkarlığa Kömək Milli Fondu dekabrın 2-də Balakən rayonunda işgüzar forum keçirib. Rəsmi məlumata görə, tədbirdə Şəki-Zaqatala iqtisadi rayonundan 43 sahibkara 400 min manat güzəştli kredit verilib. Kreditlərin heyvandarlıq, arıçılıq, bağçılıq təsərrüfatlarının, çörək, su və meyvə şirələri istehsalı sahələrinin inkişafına yönəldiləcəyi, 60-a yaxın yeni iş yerinin açılmasının gözləndiyi bildirilir.

Qeyd olunur ki, 2016-cı ildə 2300-dən çox sahibkarın investisiya layihəsinin maliyyələşdirilməsinə 155,4 milyon manat güzəştli kredit verilib, bununla 6900-dən çox yeni iş yerinin açılmasına imkan yaradılıb. İndiyədək Şəki-Zaqatala iqtisadi rayonunda fəaliyyət göstərən sahibkarlıq subyektlərinin 2100-ə yaxın investisiya layihəsinin maliyyələşdirilməsinə 98 milyon manat güzəştli kredit ayrılıb.