Büdcə komitələrdən keçib parlamentə getdi
2017-ci ilin dövlət büdcəsi layihəsinin parlament komitələrində müzakirəsi başa çatıb, sənəd plenar iclasa təqdim olunub. Son müzakirə dekabrın 2-də gənclər və idman, beynəlxalq münasibətlər və parlamentlərarası əlaqələr, hüquq siyasəti və dövlət quruculuğu, regional məsələlər komitələrinin birgə iclasında olub.
Büdcə zərfinə “2017-ci il üçün yaşayış minimumu haqqında”, “2017-ci il üçün ehtiyac meyarının həddi haqqında”, “Dövlət Sosial Müdafiə Fondunun 2017-ci il büdcəsi haqqında” qanunlar, Milli Məclisin və Hesablama Palatasının 2017-ci il üçün xərclər smetaları da daxildir.
2017-ci il üçün dövlət büdcəsinin gəlirləri 16,2 milyard manat nəzərdə tutulur.
