Əmək və Əhalinin Sosial Müdafiəsi Nazirliyi Ucar rayonunda 6 fərdi yaşayış evini Qarabağ müharibəsi əlillərinin istifadəsinə verib. Dekabrın 1-də yayılan rəsmi məlumatda qeyd olunur ki, dövlət başçısının 20 iyun 2014-cü il sərəncamını icra edən Əmək və Əhalinin Sosial Müdafiəsi Nazirliyi bu il 30-dan çox rayonda 140 fərdi yaşayış evini və 54 mənzilli yaşayış binasını, Abşeron rayonunda hazır yaşayış binalarından alınaraq təmir etdirilmiş 64 ədəd mənzili istifadəyə verib. Beləliklə, bu il nazirlik 258 nəfər Qarabağ müharibəsi əlili və şəhid ailəsini mənzillə təmin edib.