Qəza ilə bağlı bilgilər dəqiqləşdirilib
Kolumbiyada Bakı vaxtı ilə noyabrın 29-u səhər baş vermiş təyyarə qəzası barədə yeni məlumatlar yayılıb. Boliviyadan gələn təyyarə Kolumbiyanın Medelyin şəhəri yaxınlığında yerə düşüb. Novator.az bildirir ki, ən son məlumata görə, təyyarədə əvvəl deyildiyi kimi 81 yox, 9-u ekipaj üzvü olmaqla 77 nəfər uçub. 71 nəfərin öldüyü, 6 nəfərin sağ qaldığı xəbər verilir.
Təyyarənin elektrik sistemində nasazlıqdan qəzaya uğradığı ehtimalı var. Qara qutular tapılıb, araşdırma aparılır.
Sərnişinlərin çoxu Kolumbiyaya beynəlxalq oyuna gedən Braziliyanın “Şapekoense” futbol komandasının üzvləri, jurnalistlər olub. Faciə ilə əlaqədar Braziliyada 3 günlük matəm elan edilib.
