Noyabrın 30-da prezident İlham Əliyev XXII Azərbaycan Beynəlxalq Telekommunikasiya və İnformasiya Texnologiyaları sərgisi – “Bakutel-2016” ilə tanış olub.
AZƏRTAC xəbər verir ki, sərgiyə dünyanın 18 ölkəsindən 200 şirkət qatılıb. Sərgidə 9 ölkə – Avstriya, Belarus, İran, İtaliya, Fransa, Niderland, Sloveniya, Türkiyə və Xorvatiya milli stendlərdə öz ölkələrinin aparıcı şirkətləri ilə yanaşı həm Azərbaycan, həm də bütün Xəzəryanı region üçün innovativ layihələri, eləcə də İKT sahəsində məhsul və xidmətlərini təqdim edir.
