2017-ci ilin istirahət sayılan bayram günləri
Azərbaycanın Əmək Məcəlləsinə görə, şənbə və bazar günləri ilə iş günü hesab olunmayan bayram günləri üst-üstə düşəndə həmin istirahət günü bayram günündən sonrakı iş gününə keçirilir. Qurban və Ramazan bayramları iş günü hesab olunmayan başqa bayram günü ilə üst-üstə düşdükdə növbəti iş günü istirahət günü hesab edilir.
Novator.az bildirir ki, 2017-ci il yanvarın 1-i və 2-si Yeni il bayramıdır. Yanvarın 1-i bazar gününə düşür. 2016-cı il dekabrın 31-də qeyd olunacaq Dünya Azərbaycanlılarının Həmrəyliyi Günü də şənbədir deyə yanvarın 3-ü və 4-ü (çərşənbə axşamı və çərşənbə) qeyri-iş günləri olacaq.
Martın 8-i – Qadınlar Günü çərşənbəyə düşür.
20-24 mart (bazar ertəsi-cümə) Novruz bayramıdır.
Mayın 9-da qeyd olunan Qələbə Günü çərşənbə axşamına düşür.
Mayın 28-i – Respublika Günü bazar gününə düşdüyü üçün mayın 29-u da (bazar ertəsi) qeyri-iş günüdür.
Milli Qurtuluş Günü iyunun 15-i – cümə axşamı qeyd ediləcək.
Silahlı Qüvvələr Günü – iyunun 26-sı bazar ertəsinə düşür.
Ramazan bayramı 26-27 iyunda (bazar ertəsi-çərşənbə axşamı) qeyd ediləcək. İki bayram üst-üstə düşdüyü üçün iyunun 28-i də (çərşənbə) istirahət günü hesab edilir.
Qurban bayramı 1-2 sentyabra düşür. Sentyabrın 2-si şənbə günü olduğu üçün sentyabrın 4-ü də (bazar ertəsi) qeyri-iş günüdür.
Dövlət Bayrağı Günü – 9 noyabr cümə axşamına düşür.
2017-cı ilin sonuncu bayram günü – Dünya Azərbaycanlılarının Həmrəyliyi Günü dekabrın 31-də (bazar) qeyd olunacaq.
