Daha iki komanda qrupdan keçdi
Noyabrın 23-də UEFA Çempionlar Liqasının qrup mərhələsində 5-ci tur yekunlaşıb. Səfərdə “Seltik”i (Şotlandiya) 2 cavabsız topla udan “Barselona” (İspaniya) və “Borussiya” ilə (Mönhenqladbah, Almaniya) xalları bölən (1:1) “Mançester Siti” (İngiltərə) C qrupundan növbəti mərhələyə çıxıblar.
B qrupunda “Beşiktaş” (Türkiyə)-“Benfika” (Portuqaliya) matçı 3:3, “Napoli” (İtaliya)-“Dinamo” (Ukrayna) oyunu 0:0 hesabı ilə bitib. Son tur ərəfəsində “Napoli” və “Benfika”nın 8, “Beşiktaş”ın 7 xalı var (Qruplar).
Novator.az xatırladır ki, 1/8 finalda Almaniyanın “Bavariya”, “Borussiya” (Dortmund), “Bayer”, İspaniyanın “Atletiko”, “Real”, İngiltərənin “Arsenal”, “Lester”, Fransanın PSJ, “Monako”, İtaliyanın “Yuventus” komandaları da çıxış edəcəklər.
