Baş nazir prezidentin partiyasına qoşulur
Ermənistanın baş naziri Karen Karapetyan hakim Respublika Partiyasına üzv olmaq üçün ərizə verib. Novator.az-ın məlumatına görə, Karen Karapetyan bunu noyabrın 24-də bəyan edib.
Respublika Partiyasının sədri postunu Ermənistan prezidenti Serj Sərkisyan tutur. 131 yerlik Ermənistan parlamentində Respublika Partiyasının 69 deputatı var.
Karen Karapetyan 1963-cü ildə Azərbaycanın Dağlıq Qarabağ bölgəsində, Stepanakert şəhərində doğulub. 1985-ci ildə Yerevan Dövlət Universitetinin tətbiqi riyaziyyat fakültəsini bitirən Karen Karapetyan iqtisad elmləri doktorudur. Uzun illər energetika sahəsində rəhbər vəzifələrdə çalışıb, “Qazprom-Ermənistan” şirkətinə rəhbərlik edib. 2010-2011-ci illərdə Yerevanın meri olub. Bu il sentyabrın 13-dən baş nazirdir.
