50-yə yaxın sahibkar güzəştli kredit aldı
İqtisadiyyat Nazirliyinin Sahibkarlığa Kömək Milli Fondu noyabrın 24-də Kürdəmir rayonunun Atakişili kəndində işgüzar forum keçirib. Forumda Kürdəmir və ətraf rayonlardan olan 50-yə yaxın sahibkara 1,5 milyon manat güzəştli kredit verilib. Rəsmi məlumata görə, kreditlər əsasən heyvandarlıq, quşçuluq, əkinçilik, ağac emalı sahələrinin inkişafına yönəldiləcək.
80-ə yaxın sahibkarın iştirak etdiyi forumda danışan Sahibkarlığa Kömək Milli Fondunun icraçı direktoru Şirzad Abdullayev bildirib ki, 2016-cı ilin ötən dövrü ərzində 2225 sahibkar 143,6 milyon manat güzəştli kredit alıb: “Bu kreditlərdən istifadə etməklə investisiya layihələrinin reallaşdırılması 6600-ə yaxın yeni iş yerinin yaradılmasına imkan verir”.
