Prezident Bakıda keçirilən sərgiyə baş çəkib
Bakı Ekspo Mərkəzində II Azərbaycan Beynəlxalq Daşınmaz Əmlak və İnvestisiya sərgisi keçirilir. AZƏRTAC-ın məlumatına görə, prezident İlham Əliyev noyabrın 23-də sərgi ilə tanış olub.
Əmlak Məsələləri Dövlət Komitəsinin sədri Kərəm Həsənov prezidentə bildirib ki, komitənin “Elan Expo” və “Atılım Fuarcılık” şirkətləri ilə birgə keçirdiyi II Beynəlxalq Daşınmaz Əmlak və İnvestisiya sərgisində Azərbaycanla yanaşı Türkiyə, Birləşmiş Ərəb Əmirlikləri, Gürcüstan, Kipr, Ukrayna, İspaniya, Rusiya, Portuqaliya, Macarıstan və Lüksemburqdan 100-ə yaxın brend tikinti və inşaat layihələri təqdim olunur.
