Mərkəzi Bank noyabrın 23-də ABŞ dollarının məzənnəsini 1,7091 manatdan 1,7146 manata qaldırıb. Bu, oktyabrın ikinci ongünlüyündən başlayan yeni bahalaşma dalğasının, eləcə də 2016-cı ilin ən yüksək göstəricisidir.

Avro və Rusiya rublu da bahalaşıb. Novator.az-ın məlumatına görə, avronun kursu 1,8166 manatdan 1,822 manata, rublun kursu 0,0268 manatdan 0,0269 manata yüksəlib.

Digər məzənnələrə gəlincə, Mərkəzi Bank gürcü larisini 0,6928 manata, ingilis funt sterlinqini 2,1289 manata, türk lirəsini 0,5065 manata təklif edir.