Bu il nə qədər iş yeri açılıb?
Dövlət Statistika Komitəsinin hesabatına görə, bu ilin 9 ayı ərzində Azərbaycanda 144 min yeni, o cümlədən 109,5 min daimi iş yeri açılıb. Yeni iş yerlərinin 64,8 faizi qeyri-dövlət sektorunun payına düşür, 25,6 faizi Bakı şəhərində, 1,6 faizi Naxçıvan Muxtar Respublikasında, 72,8 faizi regionlarda, o cümlədən 29,3 faizi Aran, 14 faizi Gəncə-Qazax, 6,5 faizi Lənkəran, 5,8 faizi Abşeron 5,4 faizi Şəki-Zaqatala, 4,4 faizi Quba-Xaçmaz, 3,8 faizi Dağlıq Şirvan, 3 faizi Yuxarı Qarabağ, 0,6 faizi isə Kəlbəcər-Laçın iqtisadi rayonlarında yaradılıb.
Daimi iş yerlərinin 5,9 faizinin dövlət idarəetməsi və müdafiə; sosial təminat, 4,6 faizinin tikinti, 4,6 faizinin ticarət; nəqliyyat vasitələrinin təmiri, 3 faizinin emal sənayesi, 3 faizinin su təchizatı; tullantıların təmizlənməsi və emalı, 1,8 faizinin peşə, elmi və texniki fəaliyyət, 1,4 faizinin daşınmaz əmlakla əlaqədar əməliyyatlar, 1,4 faizinin nəqliyyat və anbar təsərrüfatı, 7,5 faizinin digər iqtisadi fəaliyyət növləri üzrə açıldığı bildirilir.
AZƏRTAC qeyd edir ki, regionların sosial-iqtisadi inkişafına istiqamətlənmiş üçüncü dövlət proqramının icrasını əhatə edən 2014-cü il yanvarın 1-dən bu il oktyabrın 1-dək ümumilikdə 387,2 min olmaqla 305,7 min daimi iş yeri yaradılıb.
