Bağlanan bankların əmanətçiləri ilə bağlı yeni hesabat
Əmanətlərin Sığortalanması Fondu bağlanan banklar üzrə yeni hesabat açıqlayıb. Hesabata görə, fond 10 bank üzrə 706 milyon 765 min manatdan artıq kompensasiya ödənişi həyata keçirib.
Noyabrın 18-də “Parabank” ASC-nin qorunan əmanətçilərinə 42 milyon 852 min manat, “Zaminbank”ın əmanətçilərinə 52 milyon 267 min manat, “Kredobank”ın əmanətçilərinə 27 milyon 5 min manat, “Dekabank”ın əmanətçilərinə 3 milyon 21 min manatdan çox kompensasiya ödənib. 4 bank üzrə ödənilən kompensasiyanın ümumi məbləği 125 milyon 145 min manatdan çoxdur.
“Atrabank” ASC-nin və “Qafqaz İnkişaf Bankı” ASC-nin qorunan əmanətçiləri ümumilikdə 16 milyon 143 min manatdan artıq kompensasiya alıb.
“Bank of Azerbaijan” ASC-nin qorunan əmanətçilərinə 24 milyon 147 min manat, “Gəncəbank”ın əmanətçilərinə 975 min manat, “Texnikabank”ın əmanətçilərinə isə 120 milyon 81 min manatdan artıq kompensasiya verilib. Üç bank üzrə ödənilən kompensasiyanın ümumi məbləği 145 milyon 205 min manatı ötüb.
Əmanətlərin Sığortalanması Fondu “Bank Standard” Kommersiya Bankının qorunan əmanətçilərinə 420 milyon 272 min manatdan artıq kompensasiya ödəyib.
