Bu ilin yanvar-oktyabr aylarında Vergilər Nazirliyinin xətti ilə dövlət büdcəsinə 5 milyard 707 milyon 128 min manat vəsait daxil olub, proqnoz tapşırığına 100,1 faiz əməl edilib.

Novator.az-a verilən rəsmi məlumatda bildirilir ki, qeyri-neft-qaz sektoru üzrə büdcəyə 4 milyard 310 milyon 845 min manat vəsait gəlib, bu da ötən ilin müvafiq dövrü ilə müqayisədə 247 milyon 477,8 min manat çoxdur.

10 ayda 105 min 605 vergi ödəyicisi qeydiyyata alınıb.

2016-cı ildə Vergilər Nazirliyinin xətti ilə dövlət büdcəsinə 7 milyard 10 milyon manat daxilolma proqnozlaşdırılıb.