Valyuta məzənnələri
Mərkəzi Bank noyabrın 8-də ABŞ dollarını yenidən bahalaşdırıb. Novator.az-ın məlumatına görə, dolların rəsmi kursu 1,6596 manatdan 1,6686 manata yüksəlib.
Ucuzlaşan ingilis funt sterlinqi, Misir funtu, Norveç kronu və sabit qalan gürcü larisi, Qazaxıstan təngəsi, İran rialı istisna olmaqla qalan valyutaların da rəsmi kursunda artım var.
Dəyər artıran avro 1,8424 manata, Rusiya rublu 0,0262 manata təklif olunur (Məzənnələr).
ABŞ dollarının rəsmi kursu ötən həftə illik maksimumu ötüb. 2016-cı ildə dolların ən yüksək rəsmi qiyməti martın 11-də qeydə alınmışdı: 1,6456 manat. Mərkəzi Bank noyabrın 2-də məzənnəni 1,649 manata qaldırmaqla illik rekordu təzələyib. Noyabrın 4-dən isə dollara 1,6596 manat qiymət qoyulmuşdu.
