Müəllif Hüquqları Agentliyinin sədri Kamran İmanov “Şöhrət” ordeni ilə təltif edilib. Prezident İlham Əliyevin bu barədə sərəncamı Kamran İmanovun Azərbaycanda müəllif hüquqlarının qorunması sahəsində xidmətləri ilə əsaslandırılıb.

Novator.az bildirir ki, Kamran İmanovun 70 yaşı tamamlanıb. 1946-cı il təvəllüdlü Kamran İmanov 1993-1995-ci illərdə Tələbə Qəbulu üzrə Dövlət Komissiyasının sədri olub, sonra Müəllif Hüquqları Agentliyinə və Nazirlər Kabineti yanında “İçərişəhər” Dövlət Tarix-Memarlıq Qoruğu İdarəsinə başçılıq edib.

2008-ci ildə yenidən Müəllif Hüquqları Agentliyinin sədri vəzifəsinə təyin olunub.