Əlilliyi olan şəxslər yanvar-oktyabr aylarında 28 min 687 protez-ortopedik məmulat və reabilitasiya vasitəsi ilə təmin olunub. Əmək və Əhalinin Sosial Müdafiəsi Nazirliyinin rəsmi hesabatında bildirilir ki, Protez-Ortopedik Bərpa Mərkəzi, onun Gəncə şəhərindəki filialı və Naxçıvan istehsalat sahəsi 12 min 511 nəfər əlilliyi olan şəxsə protez-ortopedik bərpa xidmətləri göstərib.

Əlilliyi olan şəxslərə 1108 ədəd əlil arabası, 597 ədəd eşitmə aparatı, 946 ədəd aşağı və yuxarı ətraf protezi, 2 min 231 ədəd dirsəkaltı və qoltuqaltı ağac, 735 ədəd dördayaqlı dayaq vasitəsi, 616 ədəd bel və boyun nahiyəsi üçün korset verilib. Bu təbəqədən olan vətəndaşlar həmçinin 1145 ədəd aşağı və yuxarı ətraf ortezi, 2 min 165 ədəd əsa, 2 min 819 cüt protez ayaqqabı, 4 min 62 cüt ortopedik ayaqqabı, 7 min 623 ədəd müxtəlif yardımçı reabilitasiya vasitəsi ilə təmin edilib.

Nazirlik bildirir ki, 10 ayda Protez-Ortopedik Bərpa Mərkəzinin və onun Gəncə şəhərindəki filialının stasionar bölmələrində 609 nəfər əlilliyi olan şəxs xidmətlərlə təmin olunub.