Mərkəzi Bank noyabrın 3-də ABŞ dollarının məzənnəsini dəyişməyərək 1,649 manat səviyyəsində saxlayıb.

Avro və Rusiya rublunda isə yenilik var. Novator.az-ın məlumatına görə, avronun rəsmi məzənnəsi 1,8254 manatdan 1,8329 manata qalxıb, rublun kursu 0,0261 manatdan 0,0260 manata düşüb (Məzənnələr).

Noyabrın 2-də ABŞ-ın Federal Ehtiyatlar Sistemi uçot dərəcəsini maksimum 0,5% səviyyəsində saxlayıb, dolların sürətlə bahalaşma ehtimalı aradan qalxıb.

Federal Ehtiyatlar Sistemi ötən il dekabrın 16-da uçot dərəcəsinin yuxarı həddini 0,25 faizdən 0,5 faizə qaldırmış, bu isə digər valyutalara, o sıradan da Azərbaycan manatına təzyiqi artırmışdı. Dekabrın 21-də Mərkəzi Bank üzən məzənnə rejiminə keçmiş, rəsmi kurs 1 dollara qarşı 1 manat 5 qəpikdən 1 manat 55 qəpiyə qalxmışdı.

Azərbaycanda ABŞ dollarının rəsmi kursu illik maksimumu ötən gün ötüb. 2016-cı ildə dolların ən yüksək rəsmi qiyməti martın 11-də qeydə alınmışdı: 1,6456 manat. Mərkəzi Bank noyabrın 2-də məzənnəni 1,649 manat müəyyən edib.