47 sahibkar 491 min manat güzəştli kredit aldı
İqtisadiyyat Nazirliyinin Sahibkarlığa Kömək Milli Fondu noyabrın 3-ü Lənkəran rayonunda işgüzar forum keçirib. Forumda Lənkəran və ətraf rayonlarda fəaliyyət göstərən 47 sahibkara 491 min manat güzəştli kredit təqdim olunub. Heyvandarlıq, arıçılıq, bağçılıq, qapı-pəncərə istehsalı və s. sahələrin inkişafına yönəldiləcək kreditlərin 60-a yaxın yeni iş yerinin açılmasına imkan yaradacağı bildirilir.
Rəsmi məlumata görə, Sahibkarlığa Kömək Milli Fondunun icraçı direktorunun müavini Arif Vəliməmmədov bildirib ki, indiyədək Lənkəran iqtisadi rayonunda fəaliyyət göstərən sahibkarlıq subyektlərinin 3000-ə yaxın investisiya layihəsinin maliyyələşdirilməsinə 223,7 milyon manat güzəştli kredit verilib.
