Əmək və Əhalinin Sosial Müdafiəsi Nazirliyi əlilliyi olan şəxslərin əmək bazarına inteqrasiyası ilə bağlı hesabat yayıb. Hesabata görə, Dövlət Məşğulluq Xidmətinin tədbirləri nəticəsində bu ilin yanvar-sentyabr aylarında əlilliyi olan 501 şəxs münasib iş yerləri ilə təmin olunub. 158 nəfərin sosial müdafiəyə xüsusi ehtiyacı olan və işə düzəlməkdə çətinlik çəkən vətəndaşlar üçün idarə, müəssisə və təşkilatlarda müəyyən olunmuş kvota üzrə işlə təminatı həyata keçirilib.

Haqqı ödənilən ictimai işlərə cəlb edilənlərin, boş vaxtları ərzində əlavə qazanc əldə etmək üçün əmək birjaları vasitəsilə qısamüddətli, o cümlədən birdəfəlik və ya mövsümi işlərlə təmin olunanların da bir qismini əlilliyi olan şəxslər təşkil edib.

Yanvar-sentyabr aylarında 353 nəfər əlilliyi olan şəxs peşə hazırlığı və əlavə təhsil kurslarına cəlb olunub.