“Avroviziya 2017”yə 43 ölkə qatılacaq
2017-ci ilin “Avroviziya” mahnı müsabiqəsində 43 ölkə iştirak edəcək. Rəsmi açıqlama müsabiqənin saytında dərc olunub.
Novator.az-ın məlumatına görə, gələn il mayın 9-dan 13-dək Ukraynanın paytaxtı Kiyevdə keçiriləcək “Avroviziya”ya ev sahibi ilə yanaşı Azərbaycan, Albaniya, Almaniya, Avstraliya, Avstriya, Belarus, Belçika, Bolqarıstan, Böyük Britaniya, Xorvatiya, Kipr, Çexiya, Danimarka, Estoniya, Ermənistan, Finlandiya, Fransa, Gürcüstan, Yunanıstan, Macarıstan, İslandiya, İrlandiya, İsrail, İtaliya, İspaniya, Latviya, Litva, Makedoniya, Malta, Moldova, Monteneqro, Niderland, Norveç, Polşa, Portuqaliya, Rumıniya, Rusiya, San Marino, Serbiya, Sloveniya, İsveç, İsveçrə qatılacaq.
Ukrayna “Avroviziya 2017” müsabiqəsini keçirmək hüququnu bu il İsveçdəki yarışmada qazanıb. Ölkə təmsilçisi Camalə 534 səslə hamıdan üstün olub. O, Krım tatarlarının 1944-cü ildə sürgün olunmasından bəhs edən mahnı ilə birincilik əldə edib.
Camalə (Susanna Camaləddinova) 1983-cü ildə Qırğızıstanın Oş vilayətində doğulub, 6 yaşından Krımda böyüyüb. Atası Krım tatarı, anası ermənidir.
