Dövlət Sosial Müdafiə Fondunun fərdi uçot sistemində qeydiyyatda olan əcnəbilərin sayı sentyabr ayında 274 nəfər, yanvar-sentyabr aylarında isə 5248 nəfər artıb. Bu il oktyabrın 1-nə fərdi uçot sisteminin əhatə etdiyi xarici ölkə vətəndaşlarının sayı 33 110 nəfər olub.
Əmək və Əhalinin Sosial Müdafiəsi Nazirliyi bildirir ki, fərdi uçot sistemində ümumilikdə 120 ölkənin vətəndaşları qeydiyyatdadır. Onların sırasında daha yüksək say göstəricisinə görə ilk yerləri Türkiyə (15 387 nəfər), Gürcüstan (3222) və Rusiya (1901) vətəndaşları tutur.
Sistemdə həmçinin Özbəkistan (1756), Hindistan (1409), İran (1033), Çin (910), Banqladeş (833), Pakistan (695), Böyük Britaniya (650), Ukrayna (544), Türkmənistan (317), Filippin (297), ABŞ (283), Almaniya (266), Qazaxıstan (250), İtaliya (213) və s. ölkələrin də vətəndaşlarının fərdi şəxsi hesabı var.
