Sığortaolunanların sayı açıqlanıb
Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun fərdi uçot sistemində qeydiyyatda olan sığortaolunanların sayı sentyabr ayında 7560 nəfər, yanvar-sentyabr aylarında isə 136 524 nəfər artaraq oktyabrın 1-nə 3 milyon 316 min 678 nəfərə çatıb.
Rəsmi məlumata görə, sistemdə fərdi şəxsi hesabı olanların 20,2 faizi 30 yaşa qədər olanlar, 25,4 faizi 30-40 yaşlarında olanlar, 20,1 faizi 40-50 yaşlarında olanlar, 21,1 faizi 50-60 yaşlarında olanlar, digərləri isə 60 yaşdan yuxarı olanlardır.
