Prezident İlham Əliyev İstanbulda keçirilən 23-cü Dünya Enerji Konqresində iştirak etmək üçün Türkiyəyə səfər edib. AZƏRTAC xəbər verir ki, oktyabrın 9-da İlham Əliyev Türkiyə prezidenti Rəcəb Teyyub Ərdoğanla görüşüb. Azərbaycan və Türkiyə prezidentləri iki ölkə arasında münasibətlərin müxtəlif sahələrdə, o cümlədən siyasi, iqtisadi, enerji, nəqliyyat sahələrində inkişafından məmnunluq ifadə ediblər, əlaqələrin daha da genişlənəcəyinə əminliklərini bildiriblər.

Söhbət zamanı münasibətlərin perspektivləri ətrafında fikir mübadiləsi aparılıb, sonra dövlət başçıları birgə şam ediblər.