2016-cı ilin 9 ayı ərzində Azərbaycana 1 milyon 719 min 15 nəfər xarici turist gəlib. Bu, keçən ilin müvafiq dövrü ilə müqayisədə 169 430 nəfər (10,9 faiz) çoxdur.
Mədəniyyət və Turizm Nazirliyi bildirir ki, 9 ay ərzində təkcə Birləşmiş Ərəb Əmirliklərindən Azərbaycana səyahət edənlərin sayında keçən ilin müvafiq dövrü ilə müqayisədə 34 dəfə artım müşahidə edilib. İrandan gələn turistlərin sayı 62,9 faiz, qazaxıstanlı turistlərin sayı 17,2 faiz, rusiyalı turistlərin sayı 7,6 faiz artıb.
Yay mövsümü ərzində ölkənin regionlarında istirahət edən yerli və xarici turistlərin sayı 751 353 nəfər olub. Bu, 2015-ci ilin müvafiq dövrü ilə müqayisədə 23,5 faiz artım deməkdir.
