Ermənistanda yeni hökumətin əksər üzvləri paytaxt Yerevanın təmsilçiləridir. Novator.az bildirir ki, Azərbaycanın Dağlıq Qarabağ bölgəsindən olan yeni baş nazir Karen Karapetyanın müavini, beynəlxalq iqtisadi inteqrasiya və islahatlar naziri Vaçe Qabrielyan, Hökumət Aparatının rəhbəri, nazir David Arutyunyan Yerevanda anadan olublar.
Hökumətdə son dəyişikliklərə qədər müdafiə naziri vəzifəsini Dağlıq Qarabağda doğulmuş Seyran Ohanyan tuturdu. O, 2008-ci ildən müdafiə naziri idi. İndi müdafiə naziri postu yerevanlı Vigen Sərkisyana tapşırılıb.
Karen Karapetyanın hökumətində xarici işlər naziri Edvard Nalbandyan, ədliyyə naziri Arpine Ovannisyan, maliyyə naziri Vardan Aramyan, fövqəladə hallar naziri Armen Yeritsyan, nəqliyyat, rabitə və informasiya texnologiyaları naziri Vahan Martirosyan, enerji infrastrukturu və sərvətlər naziri Aşot Manukyan, əmək və sosial məsələlər naziri Artyom Asatryan, səhiyyə naziri Levon Altunyan, elm və təhsil naziri Levon Mkrtçyan, mədəniyyət naziri Armen Əmiryan, gənclər və idman naziri Qraçya Rostomyan da yerevanlıdırlar.
Yerevanı kabinetdə Mülki Aviasiya Baş İdarəsinin rəisi Sergey Avetisyan, Daşınmaz Əmlakın Kadastrı Komitəsinin sədri Martin Sərkisyan, Nüvə Təhlükəsizliyi Komitəsinin sədri Aşot Martirosyan, Milli Təhlükəsizlik Xidmətinin direktoru Georgi Kutoyan, Dövlət Əmlakı İdarəsinin rəisi Arman Saakyan da təmsil edirlər.
Yeni kənd təsərrüfatı naziri İqnati Arakelyanın harada doğulduğu barədə bilgi verilmir, ancaq onun bütün karyerası Yerevanla bağlıdır.
Diaspor naziri Qranuş Akopyan Qeqarkunik vilayətində, investisiya və sahibkarlığa dəstək naziri Suren Karayan İcevanda, təbiəti mühafizə naziri Arsvik Minasyan Talin rayonunda, ərazi idarəçiliyi və inkişaf naziri David Lokyan Gürcüstanda dünyaya gəliblər.
Dövlət Gəlirləri İdarəsinin rəisi Ovannes Ovsepyan icevanlıdır.
Ermənistan Polisinin rəisi Vladimir Qasparyan Estoniyada doğulub.
Digər qurumlara gəlincə, Prezident Administrasiyasının yeni rəhbəri Armen Gevorkyan yerevanlı, Milli Təhlükəsizlik Şurasının yeni katibi Yuri Xaçaturov gürcüstanlıdır.
Silahlı Qüvvələrin Baş Qərargahının yeni rəisi Movses Akopyan Azərbaycanın Dağlıq Qarabağ bölgəsində doğulub.
