Mərkəzi Bankın yeni hesabatına görə, sentyabrın 1-nə Azərbaycanda kreditlərin həcmi 16 milyard 328,6 milyon manat olub. Novator.az bildirir ki, bu, bir ay əvvəlki göstərici ilə müqayisədə 126,3 milyon manat çoxdur. Avqustun 1-nə kreditlərin həcmi 16 milyard 202,3 milyon manat idi.
Vaxtı keçmiş kreditlərin məbləği isə 88,5 milyon manat artaraq sentyabrın 1-nə 1 milyard 592,9 milyon manata çatıb. Avqustun 1-nə vaxtı keçmiş kreditlərin məbləği 1 milyard 504,4 milyon manat idi.
Problemli kreditlərin 838 milyon manatı xarici valyutada olan kreditlərdir.
Başqa hesabata əsasən, sentyabrın 1-nə əhalinin banklardakı əmanətinin həcmi 7 milyard 931,9 milyon manata yüksəlib. Avqustun 1-nə əhalinin banklardakı əmanətinin həcmi 7 milyard 843,8 milyon manat olmuşdu. Bir ayda 88,1 milyon manat artım qeydə alınıb.
