2016-cı ilin 9 ayında 1,7 milyon nəfər Azərbaycan vətəndaşı Gürcüstana səfər edib. Bu göstərici ilə Azərbaycan vətəndaşları Gürcüstanı ziyarət edən xaricilər arasında birinci yerdədirlər. Rusiya, Türkiyə, Ukrayna vətəndaşları da Gürcüstana gedən xarici ölkə vətəndaşları sırasında çoxluq təşkil edirlər.

Gürcüstan Daxili İşlər Nazirliyinin məlumatına görə, 2016-cı ilin 9 ayında ümumilikdə ölkəyə 4 milyon 879 min 31 nəfər xarici ölkə vətəndaşı gəlib. Bu da 2015-ci ilin eyni dövrü ilə müqayisədə 8,5 faiz çoxdur. Ölkəyə gələnlərin 2 milyon 156 min 731 nəfəri turistlərdir. Bu göstərici ötən ilin eyni dövrünün göstəricisini 19,5 faiz qabaqlayır.

Xəbəri AZƏRTAC yayıb.