Dünyada 385 milyon uşaq səfalət içində yaşayır
Dünyada 385 milyon uşaq səfalət içində yaşayır. BMT-nin Uşaq Fondu (UNİCEF) və Dünya Bankının birgə məruzəsində belə deyilir.
Novator.az-ın məlumatına görə, UNİCEF və Dünya Bankının araşdırması 89 ölkədə aparılıb. Aydın olub ki, dünyada yoxsul uşaqların sayı yoxsul böyüklərin sayından iki dəfə çoxdur.
2013-cü ilə olan vəziyyətə görə, inkişaf etmiş ölkələrdə yeniyetmələrin 19,5%-nin gündəlik xərci 1,9 dollar və ya bundan da azdır. Böyüklərin 9,2%-i oxşar durumdadır.
İnkişaf etmiş ölkələrdə 5 yaşa qədərki uşaqlar daha acınacaqlı vəziyyətdədir. Araşdırmaya görə, belə ölkələrdə 5 yaşlı uşaqların beşdə biri yoxsulluq içində yaşayır.
Məruzənin təqdimatı Vaşinqtonda olub. Təqdimat zamanı UNİCEF-in icraçı direktoru Entoni Leyk deyib ki, yoxsulluq uşaqların fiziki və əqli inkişafına istər-istəməz mənfi təsir edir: “Bu, təkcə onların gələcəyini məhdudlaşdırmır, həm də onların yaşadıqları cəmiyyətin inkişafına mane olur”.
