150 milyon dolların 48,9 milyonu satıldı
Sentyabrın 29-da Dövlət Neft Fondu Mərkəzi Bankda keçirilən valyuta hərracında 14 banka 48,9 milyon ABŞ dolları məbləğində vəsait satıb. Fondun hərraca 100 milyon dollar, Mərkəzi Bankın 50 milyon dollar çıxardığı bildirilir.
Novator.az-ın məlumatına görə, bununla Dövlət Neft Fondunun 2016-cı ilin valyuta hərraclarında satdığı vəsaitin həcmi 3 milyard 882,4 milyon dollara çatıb. Mərkəzi Bankdan isə bu ilin hərraclarında 935,4 milyon dollar alınıb.
2015-ci ildə Azərbaycan manatı ikiqat devalvasiyaya uğrayıb, dolların kursu 78 qəpikdən 1 manat 55 qəpiyə qalxıb. Sentyabrın 29-da 1 dollar 1,6252 manata təklif edilir.
