9 ayın populyar adları
2016-cı ilin 9 ayı ərzində Azərbaycanda doğulmuş qız uşaqlarına qoyulan ən populyar ad Zəhradır – 1997 qıza Zəhra adı verilib. Nuray adı (1489 uşaq) ikinci, Fatimə adı (1292) üçüncüdür.
Novator.az xəbər verir ki, ilk 10-luqda Zeynəb (1234), Aylin (1161), Məryəm (1077), Ayan (938), Mələk (931), Mədinə (738), Dəniz (719) adları da yer alır.
Ədliyyə Nazirliyinin təqdim etdiyi statistikaya görə, 2016-cı ilin ən populyar oğlan adı Yusifdir – 2297 uşaq. İlk 10-luqda sonrakı sıralama belədir: Hüseyn – 1548, Əli – 1496, Ömər – 1183, Məhəmməd – 958, Tunar – 914, Murad – 899, Ayxan – 847, Uğur – 834, İbrahim – 616.
100 ən populyar qız adı siyahısını Aygün (64) və Məleykə (64) qapayır. Bu il 128 uşağa bu adlar verilib.
Oğlan adlarının populyar 100-lüyü siyahısında son pillədə Elçin (84) dayanır.
