19 banka 61,4 milyon dollar satıldı
Sentyabrın 22-də Dövlət Neft Fondu Mərkəzi Bankın keçirdiyi valyuta hərracında 19 banka 61,4 milyon dollar məbləğində vəsait satıb. Mərkəzi Bank valyuta hərracına 50 milyon, Dövlət Neft Fondu 100 milyon dollar çıxarıb.
Novator.az bildirir ki, bununla Dövlət Neft Fondunun 2016-cı ilin valyuta hərraclarında satdığı vəsaitin həcmi 3 milyard 763,3 milyon dollara çatıb. Mərkəzi Bankdan isə hərraclarda 935,4 milyon dollar alınıb.
2015-ci ildə Azərbaycan manatı ikiqat devalvasiyaya uğrayıb, dolların kursu 78 qəpikdən 1 manat 55 qəpiyə qalxıb. Sentyabrın 22-də 1 dollar 1,6331 manata təklif edilir.
Ötən il dekabrın 21-də Mərkəzi Bank manatı üzən məzənnə rejiminə keçirəndən bəri aylar üzrə dolların maksimal kursu belə olub:
Dekabr – 1,5594 manat
Yanvar – 1,6054 manat
Fevral – 1,6052 manat
Mart – 1,6456 manat
Aprel – 1,5269 manat
May – 1,5094 manat
İyun – 1,5394 manat
İyul – 1,5851 manat
Avqust – 1,6321 manat
Sentyabr – 1,6403 manat.
