Manat bir az güclənib
Sentyabrın 21-də Azərbaycan manatı aparıcı valyutalara, o cümlədən ABŞ dollarına nəzərən bir qədər bahalaşıb. Novator.az-ın məlumatına görə, Mərkəzi Bank 1 dolların kursunu 1,637 manatdan 1,6331 manata endirib.
Rusiya rublunun kursu sabit qalıb: 1 rubl 0,0252 manata satılır.
Digər valyutaların rəsmi məzənnəsi belə müəyyən edilib:
1 avro – 1,8176 manat
1 gürcü larisi – 0,707 manat
1 ingilis funt sterlinqi – 2,1174 manat
1 İsveçrə frankı – 1,665 manat
1 Küveyt dinarı – 5,4103 manat
1 türk lirəsi – 0,547 manat (Məzənnələr).
2015-ci ildə Azərbaycan manatı ikiqat devalvasiyaya uğrayıb, dolların kursu 78 qəpikdən 1 manat 55 qəpiyə qalxıb. Bu il ABŞ dollarının ən yüksək rəsmi qiyməti martın 11-nə təsadüf edib. Həmin gün 1 dollara 1,6456 manat qiymət qoyulub.
Sentyabrın 20-də Dövlət Neft Fondunun 2016-cı ilin valyuta hərraclarında satdığı vəsaitin həcmi 3 milyard 702,3 milyon dollara çatıb. Mərkəzi Bankdan isə hərraclarda 935,4 milyon dollar alınıb. Manatın kursunu nizamlamaq üçün iki qurumun birgə xərci 4 milyard 637,7 milyon dollardır.
