Dollar və rubl sabit qalıb, avro bahalaşıb
Mərkəzi Bank sentyabrın 20-də ABŞ dollarının kursunu dəyişməz saxlayıb. Novator.az-ın məlumatına görə, 1 dollar ötən gün olduğu kimi 1,637 manata təklif edilir.
Rusiya rublunun da rəsmi məzənnəsi sabit qalıb. 1 rubla yenə 0,0252 manat qiymət qoyulub.
Avroda isə bahalaşma var. 1 avronun rəsmi kursu 1,8281 manatdan 1,8291 manata qalxıb (Məzənnələr).
2015-ci ildə Azərbaycan manatı ikiqat devalvasiyaya uğrayıb, dolların kursu 78 qəpikdən 1 manat 55 qəpiyə qalxıb. Bu il ABŞ dollarının ən yüksək rəsmi qiyməti martın 11-nə təsadüf edib. Həmin gün 1 dollara 1,6456 manat qiymət qoyulub.
Manatın kursunu nizamlamaq üçün bu ilin valyuta hərraclarında Dövlət Neft Fondu 3 milyard 629,9 milyon dollar, Mərkəzi Bank 935,4 milyon dollar satıb.
